Aitxitxen bufandie - Josu Bergara

"Aitxitxen bufandie" Josu Bergara kantautoreak San Mames futbol zelaia eta bere aitxitxeren omenez egindako abestia da.

Mila bederatzirehun ta larogeitazazpigarren urtien,
aitxitxen eskutik lehenengoz jun nintzen.
Ta gaur egun ondiño domeka arratsalde guztixetan,
irratixe biztu ta urduri paretan naz bere ondoan.

Altxa eizu bolumena, gora, gora,
Athletic-en partidue laster hasi bi da!
Gure barruko sua, zuri gorria da.

Urtiek pasa direz ta ez zeunke sinistuko nola,
nola aldatu den gure herria.
Eskutik tiraka, alaba txikerrena doa,
lepoan estu lotuta zure bufanda.

Altxa eizuz eskuak, gora, zerura,
Athletic-en gola laster ospatu bi da.
Gure barruko sua, zuri gorria da.

Ez dira onenak, ez dira kopako txapeldunak,
baina hauek geuriak, dira…geuriak dira.

Gure barruko sua, zuri gorria da.

Non Zara? - Kometa

Kometa taldeak, bere diska berriko beste kantu bat aurreratzen digu: Non zara?

Imajinazazu - Igor Elortza

Herri harresien fenomenoak jada abestia bazuen ere (ikus behean), orain beste bat egin diote. Oraingoan John Lennonen ''Imagine''ren bertsio batekin atrebitu da Igor Elortza. Originala benetan! Gora herri harresiak! #resistondarru



Imagine peña guzti kalin jesarritte
Besu besuai heldu ta fuerte eutsitte
Euskaldun gehixa preso hartzen ez itxitte.

Imagine EAJ Madrilli plantaten.
Imagine Konsejeri "nehiku're" esaten.
Imagine zipaiadi mosuk botaten!

"Tipo hori jun gako" diñozu hainbaten,
baiña hau be pasako da egunen baten.

Imagine presu danak etxin herriz herri
Españako gobiernu albora ixten gerri,
eta errespetaten euskaldunon berbi.

Diñozu "hau flipata da flipata ber bi",
baiña ez da hainbeste falta ta eingo'u kriston juergi.

Iguana - Eskean Kristö

Gaztearen maketa lehiaketan finalista izan zen Eskean Kristö talde Arratiarrak lehen maketa kaleratu berri du 70.hamarkadako rock&rollaz inspiratua. Bideoklipa dute ere eta kanta guztiak taldearen bandcampean entzuten ahal dira. Gozatu!

Deserriko kontradantzak - Eñaut Elorrieta

Eñaut Elorrietaren "Deserriko kantak" bere bakarkako lehen lanean jasotzen den "Deserriko kontradantzak" kantua.

Salgai - Eratu

Eratu taldeak lehen diskako bira bukatzeko oparitxo bat prestatu digu. 2011ko udazkenean Tolosako Bonberenean Karlos Osinagaren gidaritzapean grabaturiko lehen diskarekin 40 kontzertu inguru jo eta gero, bigarren diska grabatzera sartuko dira Ekainaren 3tik aurrera eta lehen diskari bukaera emateko, beraien lehen bideoklipa aurkezten digute. Lehen bideoklip hau Aitor de Kintanak zuzendu du eta irudiak Gasteizen hartuak izan dira

Nomada Galdua - Tik Tara

Tiktararen lehen diskan aurkitu dezakegun kanta. Tik Tara taldea euskaraz musika afrokubatarra, gnawa, flamenkoa, jazza eta munduko hainbat musika nahasten dituen Zarautzko taldea da. Aho zabalik utziko zaitu!

FAQ - Berri Txarrak

Berri Txarrak-ek 'FAQ' kantuaren bideoklip berria aurkeztu nahi digu. Abestia Ross Robinsonek (The Cure, Slipknot, At The Drive-In...) ekoiztutako 'Haria', taldearen 7. estudio lanetik aterea da eta Matt Sharp (The Rentals, Weezer) musikariaren kolaborazioa dakar ahotsetan. 'FAQ'-ek erantzunik gabeko hainbat galdera pertsonal biltzen ditu; batere erosoak ez direnak baina aldi berean kantu perfektuaren bila jarraitzeko ezinegon puntu beharrezkoa sortzeko gai direnak. Bideoklipa, ohiko moduan, Ibon A. Totorikak zuzendu du.

Gau eta Egunez - Aguxtin Alkhat

Heletatik datorren Aguxtin Alkhat bakarlariak EP bat grabatu du, estilo fin eta doinu bikainekin. Taldearen bandcampean entzuten ahal da diska osoa, baita formatu digitalean edo fisikoan (300 ale zenbakitu) erosi.
Hurrengo kanta diskako lehena dugu:

Hautsi - Damba

Damba taldearen Hautsi kantuaren bideokipa. Taldeak musika estilo eta kultura ezberdinak uztartzen ditu eta kantu honetan ebeslari berria estreinatzen da, Estitxu Pinatxo.

Lorea - Humus

Humus taldearen "Saurius" diskako kantua, Maiatzaren 11 larunbatean 22:30etatik aurrera aurkeztuko dute diska hau Tolosako Bonberenean.

Herri Urrats 2013 - kontzertuak

Urtero legez, Senpereko lakuan eginen dute aurten iparraldeko ikastolen festa. Maiatzaren 12an, besteak beste han izanen dira 2zio, Anai Arrebak, Talco, Aguxtin Alkhat, Amaren Alabak, The Sparteens, Xutik (aurtengo kantaren egileak) eta Niko Etxart. Iparraldeko taldeak dira nagusi ikusten ahal duzuen moduan.

Informazio guztia: http://herriurrats.com/

No space, no time - Gari

Gariren "Ez da amaiera" lanean jasotzen den "No space, no time" kantuaren bideoklipa.

Euskharan - En Tol Sarmiento

En Tol Sarmiento taldeak Gasteizko Euskharan Kultura Elkartearen 15garren urteurrena ospatzeko egindako "Euskharan" abestiaren bideoklipa.